Nýggjan málmann

SKRÚGONGAN Á ÓLAVSØKU

25.07.2020

Eingin felags skrúgonga verður í ár vegna covid-19. TÍR hevur boðað ítróttarfeløgunum frá, at skrúgongan á Ólavsøku verður avmarkað í ár til bert 4 fólk frá hvørjum felag.

Neistin hevur sum siðvenju at luttaka í skrúgonguni 28. juli á hvørjum árið og plaga vit at verða væl mannaði. Ein góður og festligur máti at byrja Ólavsøkuna uppá. Fleiri vit eru, festligari er tað. 
Hvat kann meira herligt verða enn at vísa okkara stóra og sterka felag fram fyri Føroya fólki?
Vit eru stolt av okkara felag og síggja eina fragd í at vísa hondbóltsfelagið Neistan via okkara óføru leikarar og okkara Neistavimpul/flagg.
Hendan siðvenjan hevur stóran týdning og kanska meir enn man gevur sær far um. Skrúgongan myndar felagið útifrá og ber brá av samanhaldið og eini felags kenslu fyri felagnum. Vit eru sera hørm um, at eingin felags skrúgonga verður í ár, men fylgja sjálvandi tilmælunum vegna korona.

Góðu neistaleikarar, venjarar, hjálparfólk, fjepparar…
Vit koma sterkt aftur á Ólavsøku í næsta ár, 28. juli 2021,
tá vit øll aftur sleppa at vísa besta ítróttarfelag í landinum, Neistan.

Blátt er Gott