TB kvinnur. St.f.v: Sóley Dimon, Margit Steinkross, Rakul Olsen, Jónleyg Beck, Laila Jespersen og Maiken Dimon. Húkandi f.v: Samuellina Lindenskov, Hjørdis B. Hjaltadóttir, Anna Djurhuus, Barbara Brattalíð, Heidi Kjærbo og Barbara Holm. Á myndini vanta Helen Ann Hádal, Ruth Lisberg og Jakoba Eysturberg.
Á Tvøroyri er kvinnur, sum hava ynski um, at verulig gongd kemur á aftur hondbóltin á Tvøroyri. Rakul Olsen er ein av eldsálunum, og hon er ógvuliga fegin um, at Bjarni Hammer skal venja TB kvinnur í vetur. – Vónandi fer eisini at eydnast okkum at fáa gongd á aftur ungdómshondbóltin, sigur Rakul. [les meira…]
Eins spennandi at fylgja børnunum, sum at spæla sjálv, sigur Inga. (Mynd Vagnur)
Inga Dahl er álitiskvinna í neistahøpi. Hon kom í Neistan sum 14 ára gomul, hevur vunnið FM-heitið í gentudeildini og unglingadeildini og vunnið fleiri FM-heiti í bestu deildini. Hon vann FM-heiti í borðtennis og badminton við H71 og hevur vunnið fleiri FM-heiti við besta kvinnuliðnum hjá HB. – Tað er ikki minni stuttligt at fylgja børnunum á vøllinum, sum at spæla sjálv, sigur Inga. [les meira…]
Team Sydhavsøerne spæla í 1. deild og ætla sær upp í bestu deildina. (Mynd Eirikur)
Enn ein dagur farin aftur um, og vit hava leikt dyst í gjár móti Team Sydhavsøerne, sum er ein samanrenning av liðum í sunnaru hálvu av Sælandi.
Dysturin var samstundis seinasti dysturin áðrenn stóru uppgávuna móti RK Metaloplastika. Dysturin bleiv taptur rímiliga stórt, so tað var ikki betur
enn næstbest, men vit fingu roynt nøkur ting av, so alt í alt, á góðari leið, sigur venjarin Ingi Olsen í heilsu úr Danmark. [les meira…]
Áki Mørk fær viðgerð frá Eiriki.
David Edvardsen, Jacob Larsen og Jacob Jónsson.
Liðleiðarin Eirikur Magnussen er umhildin maður í neistahópinum. Onkur heldur, at hann “forkelar” neistamenn ov nógv, men á slíkari hondbóltsferð verður óivað eingin ov nógv “forkelaður”. Eirikur hevur tikið ymisk skeið í vøddamýking. Hetta at loysa upp, tá ið vøddar er blivnir eymir og stívir. Og boð eru veruliga eftir Eiriki, tí hann hevur úr at gera. Óivað fellir hetta honum lætt, tí Eirikur er bakari, og hann man hava elt mangt deiggið. Málverjin Jacob Larsen, sum stóð í málinum hjá neistamonnum, tá ið liðið vann FM-heitið í 2008, var í dag og vitjaði í gamla nonnuklostrinum. (Vagnur)
Gunn Ellefsen er næstforkvinna í H71. (Mynd Jón)
1. deild hjá kvinnum hevur síðani kappingarlok verið mest umtalaða deildin, og har hendir framvegis nógv. Frá HSF fingu vit at vita fyri mánaða síðani, at Kyndil, Stjørnan, VÍF, StÍF, Søljan, Tjaldur og Neistin komu at spæla í deildini. Men nú hava Stjørnan og VÍF boðað HSF frá, at tey ikki fáa mannað 1. deildarliðið. Síðani er tað hent, at H71 hevur ynski um at hava lið í 1. deild hjá kvinnum. H71 hevur í søgu felagssins bara í millumbilum kunnað mannað kvinnulið, sum hava spælt í 2. deild og 3. deild. Næstforkvinnan í H71 Gunn Ellefsen sigur soleiðis um kvinnuhondbóltin í H71. [les meira…]
Áki, Jákup, Heini, Jón, Ári og David við kortborðið. (Mynd Eirikur)
Carl Herup og Ingi spæla borðtennis. (Mynd Eirikur)
Sólin skýnur í dag bæði oman og niðan í Næstved, har neistamenn eru á venjingarlegu. Menn sóla sær, lesa, spæla borðtennis og spæla kort. Teir taka sær av løttum, tí í kvøld skulu teir aftur spæla venjingardyst. Kirkjan í nonnuklostrinum er varðveitt. Leiðarin, har neistamenn búgva, hevur í 23 ár liva saman við føroyingi, so hon skilir føroyskt. Lagið er gott í neistahópinum, og teir lata allir heilsa. Hósdagin gongur leiðin víðari til Serbia. Fríggjakvøldið klokkan 19.30 spæla neistamenn fyrsta altjóða dystin. (Vagnur)
Neistamenn FM-vinnari 1978. St.f.v: Hjalmar Petersen, Sigmund Reinert, sáli, Hanus Joensen, spælandi venjari, Poli Justinussen, Mortan Mørk og Vagnur Michelsen. Húkandi f.v: Óla Jákup Kristoffersen, Echardt Persson, Jógvan Martin Mørk, Bjarni Samuelsen, Rani Wardum og Justines Justinussen.
Neistamenn hava vunnið FM-heitið sjey ferðir. Í 1978 vunnu neistamenn FM – heitið fyri fyrstu ferð síðani 1955. FM-heitið í 1978 varð vunnið í næstseinasta dysti í kappingini í ímóti VÍF í einum ógvuliga hart spældum dysti. Leingi hava vit leitað eftir myndini, og nú er hon loksins funnin. [les meira…]
At leggja venjingartímar Neistans er mangan ein torfør kabal at fáa at ganga upp, tað eru nógv viðurskifti, sum skulu passa saman, og tað fara nógvir tímar hjá nevndarlimunum til hetta arbeiði, men nú er so komið á mál.
Yvirlitið sæst her: Venjingartiðir
Neistamenn máttu veruliga kýta seg ímóti TMS Ringsted. (Mynd Eirikur)
Neistamenn venja í "Næstvedhallen". (Mynd Eirikur)
Neistamenn spældu fyrsta venjingardystin á Danmarkarferðini leygardagin. Ingi Olsen, venjari, sigur soleiðis í stuttari heilsu til heimasíðuna: ” Annars leiktu vit í gjár móti TMS Ringsted, sum seinasta ár spældi í bestu deildini, men flutti niður í 1. deild. Vit fingu ein góðan dyst. Mótstøðan var góð, og leikararnir vóru noyddir at spíla seg út. Vit taptu 30 – 25, sum ikki er gott í sær sjálvum, men vit sóu nógv góð avrik. Fleiri ungir leikarar, so sum Rósing, Guðfinnur og Jákup Apol leiktu væl. Í dag venja vit tvær ferðir, so her er futtur í”. David Edvardsen var besti málskjútti við seks málum. (Vagnur)
Tað eydnaðist teimum at fáa hondbólt sum vallærugrein í Hoyvík. (Mynd Vagnur)
Hondbóltur 8. flokkur. Aftast f.v: Jónas Djurhuus, Olivur Helmsdal, Magnus Knudsen, Andrias Elttør, Helgi Hoydal, Beinir Ólavsson, Suni Højgaard, Djóni Joensen, Fríðhild Jacobsen og Kristina Clementsen. Fremst f.v: Marianna H. Jacobsen, Mathilda B. Hansson, Eva W. Nagata, Brynja Høj, Brynhild Haraldsen, Lilja Mohr, Lea Reginsdóttir, Jóhild Sørensen og Súsanna Nólsoy. (Mynd Vagnur)
Við hjálp frá góðum kreftum í Hoyvík millum annað foreldraráðnum er hondbóltur fyri fyrstu ferð í Føroyum vorðin vallærugrein í fólkaskúlanum. Nú fáa 21 næmingar hondbóltsundirvísing undir leiðslu av kendu venjarunum Birgiri Hansen og Kára Nielsen. [les meira…]
