Vagnur

Solveig Birgisdóttir, hjálparvenjari, Birita Wardum, Rakul Augustinussen og aðrar neistakvinnur renna fyri Haiti. (Mynd Høgni)

Nógvir neistaspælarar fara at renna fyri Haiti 27. mars. Áheitan er send til allar venjarar í felagnum um at eggja øllum spælarum um at taka lógvatak og stuðla teimum neyðstøddu í Haiti. Vit hava hitt Biritu Wardum og spurt hana, hvussu gongst til tess at fáa neistafólk og onnur at melda seg til renningina 27. mars. [les meira…]

{ 1 viðmerking }

Valentinu og maðurin dáma ógvuliga væl í Føroyum. (Mynd Vagnur)

29 ára gamli rumenski spælarin Valentina Suciu er fallin væl til í Klaksvík. Lámi høgri bakkurin hevur stóran týdning í bakketuni hjá Stjørnuni, tí umframt hon er málsøkin spælari, hevur hon gott skil fyri sjálvum spælinum. – Maður mín og eg trívast væl í Klaksvík. Í Føroyum er so friðsælt í mun til stórbýnum, eg komið frá, sigur Valentina. [les meira…]

{ 0 viðmerkingar }

Uppflytingin er veruleiki. St.f.v: Bent Hansen, Hans A. Thomsen, Steffan Kalsø, Sámal Olsen, Gunnar á Steig, Andras Samson, Dánjal Kjærbo, Beinur Heðinsson og Damir Oros, venjari. Húkandi f.v: Henry Heinesen, Jón Jacobsen, Mathias Samuelsen, Fríðin Ziskason og Tórður Lervig. (Mynd Norðlýsið)

Eftir heimasigurin í gjár ímóti StÍF er greitt, at Team Klaksvík spælir næsta kappingarár í Atlantic Airways deildini. Í stuttari viðmerking sigur Fríðin Ziskason, formaður, at felagið og spælarar taka uppflytingina sum eina avbjóðing, og ætla ikki at gera sær fyri skommum næsta vetur. Vit fara við heilum huga undir uppgávuna. Sjálvandi vita vit, at avbjóðingin er størri at spæla í bestu deildini enn í næstbestu deildini. Hetta krevur øðrvísi fyrireiking og meira venjing.  Team Klaksvík sær fram til at spæla ímóti hinum liðunum í Atlantic Airways deildini næsta vetur, sigur Fríðin Ziskason. Heimasíðan ynskir Team Klaksvík til lukku við uppflytingini, og vit síggja eisini fram til, at Atlantic Airways liðini nú eisini skulu til Klaksvíkar. (Vagnur)

{ 0 viðmerkingar }

Hugaligt at síggja Sigrun aftur í venjingarbúna. (Mynd Vagnur)

Í høllini í Havn sóu vit seinnapartin frálíkan kvinnudyst millum Neistan og Stjørnuna. Nógv ferð á spælinum, góðar verjur og málmansspæl stóran part av dystinum og nógv frálík mál. Neistakvinnur vístu stríðsanda og spæligleði allan dystin, og høvdu tær verið meira “kaldar” ímóti dystarenda, ja, so var javnleikurin heilt vist í skjáttuni ímóti einum vælmannaðum og vælskipaðum stjørnuliði. Takk og rós til spælararnar fyri frálíkan hondbóltsdyst. [les meira…]

{ 2 viðmerkingar }

Kanska spæla átta lið í Sunsetdeildini næsta kappingarár.

Ellivu at teimum fjúrtan hondbóltsfeløgum hava sent skriv til Hondbóltssambandið um at víðka Sunset deildina og Atlantic Airways deildina komandi ár. Eftir lokna landskapping fer limafundur at taka endaliga avgerð um kappingarleistan næstu árini. Mín áheitan til feløgini skal vera: Hugsið tykkum væl um, áðrenn endaliga avgerðin veður tikin til nýggja kappingarleistan. [les meira…]

{ 10 viðmerkingar }

Høgni Klein Olsen og Hans Áki Dal Christiansen á steypfinaludegnum. (Mynd Birgir Sondum)

Atlantic liðið hjá Kyndli er mannað við nøkrum royndum spælarum og nøkrum heilt ungum spælarum. Vit hava hitt Hans Áka Dal Christiansen og spurt hann, hví Kyndil megnar at seta seg upp til ávísar dystir, meðan liðið hevur rent seg í nakrar stórar ósigrar ímóti Neistanum, KÍF og StÍF. – Vit elska allir hesar “knald ella fald” dystirnar. Kyndilsliðið hevur ikki nóg stóra breidd, og spæla kanska tveir av teimum eldru spælarunum ikki væl ein dyst, so kann liðið renna seg inn í nakrar stórar ósigrar,  sigur Hans Áki millum annað. [les meira…]

{ 0 viðmerkingar }

Neistin og Kyndil spæla sunnudagin kl. 16 í høllini í Havn.

Tá ið fjølmiðlar ummæla hondbólt, verður kikarin oftast vendir ímóti álopsspælinum. Fólk hava áhuga í, hvørjir spælarar skjóta flest mál, men vit gloyma mangan, hvussu nógv skot viðkomandi spælari skjýtur í dystinum, og hvussu spælarin roynist í verjuspælinum. Í Atlantic Airways deildini haltar verjuparturin, tí lið fáa tretivu mál, sjálvt um lið ikki hava veruligar langskjúttar. [les meira…]

{ 0 viðmerkingar }

Tjaldur Sunset. St.f.v: Sarah Ann B. Thomsen, Bogdan Burcea, venjari, Mary-Ann Zachariasen, Annika Thomsen, Cornelia Rimbu, Adina Petrea, Alina O. Angel, Kirstin Gaardbo, Heidi á Lakjuni og Adela Burcea. Fremst f.v: Elinbjørg Hammer, Jóhanna í Króki, Jóhanna Hansen, Guðrun í Lágabø, Katrin Jacobsen, Heidi Sevdal og Benatikta Johannesen. Drongurin á myndini eitur Rókur og er sonur Guðruna. (Mynd Birgir Sondum)

29 ára gamla Annika Thomsen spælir á øðrum ári við Tjaldri. Hon er uppvaksin í Neistanum, har hon vann fleiri FM-heiti í yngri deildum, og so vann hon tvær steypafinalur í bestu deildini. Annika spældi eisini tvey ár í Kyndli. – Mær dámar væl í Tjaldri, har eg eri væl móttikin. Tá ið hugurin er góður at spæla hondbólt, er ikki so strevið at koyra tvær, tríggjar ferðir um vikuna úr Havn til Runavíkar til venjingar, sigur Annika. [les meira…]

{ 0 viðmerkingar }

Søljan venur og spælir dystirnar í høllini á Giljanesi. (Mynd Vagnur)

Palli Joensen venur Søljuni 1. deild hjá kvinnum. Kvinnurnar úr Vágum eru í ólukkuligu støðu, at liðið fær alt ov fáar dystir, tí Neistin, Stjørnan og Tjaldur ikki spæla sínar dystir. Palli sigur millum annað í niðanfyri viðmerking, at undir núverandi umstøðum spælir Søljan ikki í 1. deild næsta kappingarár. Vit hava valt at leggja viðmerkingarnar hjá Palla sum høvuðsgrein, tí í kjakinum um niðurflyting og uppflyting er Søljan partur í kjakinum, um Sunset deildin skal víðkast við einum ella tveimum liðum. (Vagnur) [les meira…]

{ 0 viðmerkingar }