Viðmerkingar tann: Føroyameistararnir H71 við rygginum ímóti múrinum

Av: Vagnur

Vagnur — Sat, 27 Feb 2010 13:31:53 +0000

Góði Tróndur
Tá ið ein gomul rotta sum eg í ítróttaskriving meti um, hvussu fer at ganga næsta dysti hjá neistamonnum, so er “dagformurin” hjá liðunum avgerandi, hvørja niðurstøðu eg taki. Tá ið eg haldi, at H71 vinnur dystin í Hoyvíkshøllini sunnudagin, so havi eg dystin ímóti VÍF í huga. Balli Mohr var spurdur í útvarpinum, um VÍF hevði uppiborið at vinna dystin á Neistanum. “Vestmenningar vildu meira vinna”, segði Balli. Fara neistamenn í Hoyvíkshøllina sunnudagin við vantandi spæligleði, sum seinasta sunnudag ímóti VÍF, og H71 stríðist við rygginum ímóti múrinum, ja, so tapir Neistin dystin. So einfalt er tað. Men vilja Tróndur og hinir neistamenninir veruliga vísa sunnudagin, at Neistin er eitt topplið og vil spæla sum eitt topp lið ímóti H71, skal eg vera fyrstur at taka orðini aftur í meg. Nú eru fjúrtan dagar síðani steypafinalusigurin, sum vit eru fegin um, men neistaarmarnir mugu koma niðuraftur og farast má aftur í arbeiðshandskarnar. Tróndur, vísið nú í verki, hvussu tit kunnu spæla hondbólt. Talan er ikki um svartskygni hjá Vagni, men bara staðfestingar eg borðreiði við á heimasíðuni.

Av: Roar

Roar — Fri, 26 Feb 2010 16:45:04 +0000

eg rokni við at dystinir enda soleiðis:

Víf – Stíf 1
H71-Neistin 2
Kyndil – Kíf 2

Av: Kjartan Thomassen

Kjartan Thomassen — Fri, 26 Feb 2010 14:30:36 +0000

Góði Tróndur.
Bjartskygni hjá okkum er størri enn hjá Vagnuri, og vit hava treytaleyst álit á, at vilja tit vinna, so vinna tit. Spurnigurin er, um tit vilja tað nóg nógv. Vit vita hvat tit duga, og hvørjum tit standa fyri. Vísið okkum at tit vilja vinna. Krøv hava vit ongi til tykkara, tey eiga tit sjálvir at seta tykkum. Vit stuðla tykkum av fullum huga, og vóna tað besta. Menn eitt skulu tit vita, tit koma ikki sovandi til sigurs ímóti nøkrum liði í Atlantic Airways deildini, tí eisini tey hava hópin av evnaríkum spælarum. Við ynski un góðan dyst sunnudagin, bæði til tykkum og H71.

Vinarlig heilsan

Nevndin

Av: Tróndur Kragesteen

Tróndur Kragesteen — Fri, 26 Feb 2010 11:42:28 +0000

Takk fyri álitið Vagnur:) hehe