Seinna finaluplássið – Innanhýsisúrslitini eru nú partur í spælinum

Spennandi dystur millum Kyndil og H71 mikukvøldið klokkan 19

Mikukvøldið 3. februar klokkan 19 spæla mansliðini hjá Kyndli og H71 í høllini í Havn. Nú fækkast dystirnir í Atlantic Airways kappingini, og mikukvøld spæla Kyndil og H71 triðja av teimum fýra dystinum ímóti hvør øðrum. H71 vann fyrsta dystin 29-25, og H71 vann seinna dystin 22-21. Tá ið nú H71, Kyndil, StÍF, KÍF og VÍF eru so jøvn, er stórur møguleiki, at tvey lið hava eins nógv stig við kappingarenda. Tá telja innanhýsisúrslitini millum jøvnu liðini. Fyrst stigini, síðani málmunurin. Áðrenn dystin mikukvøldið hevur H71 tveir sigrar, meðan Kyndil hevur ongan. Missir Kyndil stig mikukvøldið, so er H71 frammanfyri í stigum, sjálvt um Kyndil vinnur fjórða og seinasta dystin. Hetta hevur sjálvandi bara týdning, um Kyndil og H71 eru jøvn í stigum við kappingarenda um at fáa seinna finaluplássið. Stórur møguleiki er, at innanhýsisúrslit koma at verða partur í spælinum tess at koma í finaluna um FM-heitið. (Vagnur)