Tveir bólkar kunnu venja samstundis í nýggju høllini

Vit hava lagt stóran dent á at hava eina eyka høll í nýggju høllini. Vøllurin í “upphitingarhøllini” er umleið triðings hondbóltsvøllur við máli, 6-metur sirkli, 3-metur linju og fimm metrar harfrá. Møguleiki er at venja álopsspæl, skotvenjingar og aðra venjing. Tað vil siga, at venur ein bólkur í høvuðshøllini, kann annar bólkur venja í minni høllini. Eisini er møguleiki at venja styrkivenjingar í minni høllini. Vit eru ógvuliga spent, hvussu hetta fer at rigga í veruleikanum. Í høllini eru eisini fýra stór skiftirúm, tí er eingin trupulleiki, um fleiri bólkar venja í høllini í senn. Minna høllin er grøna økið til vinstru. (Vagnur)