Neistakvinnurnar kunnu náa finaluplássinum

Rættiligur spenningur er um seinna finaluplássið í Sunset kappingini. Stjørnan er annað liðið í finaluni, meðan Tjaldur, VB og Neistin við ávikavist 25, 24 og 23 stigum kunnu øll koma í finaluna. Tann 22. mars fáa vit óivað svarið, hvat av teimum trimum liðunum skal spæla ímóti Stjørnuni, men kanska skulu vit bíða til seinasta leikumfar tann 4. apríl.

Tann 22. mars skal Neistin til Vágs at spæla ímóti VB, og Tjaldur tekur ímóti Stjørnuni. Neistin er tí støðu, at vinnur liðið báðar dystirnar, so eru okkara kvinnur í finaluni, tí tá hevur Neistin vunnið tríggjar dystir ímóti Tjaldrinum, og eru tí best í innanhýsis dystum. Tapir Neistin í Vági, og Tjaldur tapur ímóti Stjørnuni, so skal VB bara vinna ímóti StÍF í seinasta dystinum. Men vinnur Tjaldur ímóti Stjørnuni, og VB vinnur ímóti Neistanum, so skal Tjaldur vinna seinasta dystin ímóti Neistanum í Havn. So her eru fleiri møguleikar. Vit bíða øll í spenningi.

 

Neistin – Kyndil kvinnur

Sunnudagin spældu neistakvinnurnar ímóti Kyndli, okkara kvinnur vunnu 31-20. Um dystin er stutt at siga, at alt ov stórur munur er á liðunum, at vit kunnu síggja ein góðan og spennandi dyst. Neistaliðið spældi við so mikið nógvari ferð, at liðið misti 30 skótálop, sum antin vóru brent ella spælarar misti bóltin til mótpartin.

Tá ið dysturin mest sum var avgjørdur tíðliga í dystinum, so átti liðið at sett ferðina niður og heldur vant seg við at spæla skipað álopsspæl. Finna ymsar loysnir, sum eru neyðugar, tá liðið spælir ímóti VB, Tjaldrinum ella Stjørnuni. Tí ímóti hesum liðum hava okkara kvinnur trupulleikar at skjóta nóg mikið av málum.

Tá ið hetta er sagt, so ivast vit ikki í, at neistakvinnurnar kunnu gera ein vørr, fyrst í Vági tann 22. mars og so ímóti Tjaldrinum tann 4. apríl. Ikki er neyðugt at stúra at spæla í Vági, tí okkara kvinnur kenna treytirnar. “Vinn ella forsvinn”.

Vit halda, at okkara kvinnur nú fara at taka ábyrgd og koma í finaluna.

 

Vagnur Michelsen